Europian Club Cup 2010

Nje fshat prezanton Kosoven ne Kupen e Evropes 2010



Kur nuk mungon vullneti dhe entuziazmni, por edhe përkrahja e parezervë e shoqërisë dhe miqëve, ambicjet mund të realizohen. Shembulli më i mirë është Klubit të Shahut “ SHQIPONJA” nga Stanoc i Epërm i Vushtrrisë të cilët së bashku me ekipin Expik të Prishtinës do ta përfaqësojnë sivjet Kosovën në fillim të muajit tetor në Kupën e Evropës 2010 në Plovdiv të Bullgarisë. Klubi i Shahut “ Shqiponja” u formua në vitin 2000.Themelues të klubit janë Shemsi Shala, Faton Hyseni, Shemsi Fetahu. Organizimi i mirë bëri që ky klub nga Liga e dytë e Kosovës të bëhet anëtar në eliten e klubeve më të mira të Kosovës dhe kjo u realizua në vitin vitin 2003 duke mundur ekipin e Prizrenit ( në Play-out). Në momente si shumë klube të Kosovës çështjen financiare nuk e kanë të rregulluar, bëri që ky klub sërish të humb statusin e anëtarit të Super Ligës së Kosovës, por me një organizim më të mirë të drejtuar nga kryetari i Klubit Shemsi Shala, në perbërje ka kryesinë e kompletuar ku puna kolektive është në nivelin më të lartë , sërish kthehen në shoqërinë elite. Në vitin 2009 klubi dëshmoi se vërtetë vendin e ka në elitën e klubeve më të mira të Kosovës ku edhe e arriti këtë sukses në mënyrë që për vitin 2010 të garojë në Super Ligën e Kosovës . Meritë për këtë kishin lojtarët : Mujë Ferati (kapiten); Halit Rushiti, Bali Haxha, Faton Hyseni, Jeton Hyseni, Shemsi Shala, Shemsi Fetahu, Fadil Maloku etj. Përveç kësaj ,klubi Shqiponja, më 1 shtator 2009 ka organizuar turneu tashmë tradicional me rastin e 10 dhjetë vjetorit të dëshmorëve të Vushtrrisë” turne ky që ishte më madhështori që ndonjëherë u organizua pas lufte në Kosovë. Për mbajtjen e këtij turneu kanë ndihmuar Post-Telekomi i Kosovës dhe Përkrahja e gjithanshme e Kuvendit Komunal.

Gjatë këtij viti, Klubi Shqiponja, realizoi synimet duke u nderua me titullin e nënkampionit të Kosovës me 11 pikë një më pak se Expik i I Prishtinës që fitoi titullin e Kosovës me 12 pikë. Sipas, Shemsi Shalës ky sukses është arritur duke iu falenderua sponzorit PTK-së, pa të cilin nuk do të shënohej kjo kthesë positive. Klubi gjeti mjete duke u përforcuar me deisa shahistë të tjerë dhe duke kaluar të gjitha parashikimit. Pas veti la ekipet e njohura, Prishtinën, Llakmosin, Minatorin, Istogun, Therrandën etj. Fillimisht shënoi fitore duke mposhtur K.Sh. “Llamkos” me rezultat 3,5 – 2,5 ,pastaj edhe fitore tjera radhazi, përveq një humbje kundër Prishtinës dhe një barazimi me “Expikun” ( i cili zuri vendin e parë).Në fund fitore kundër Minatorit të Mitrovicës me rezultat 4 me 2 i siguroj Shqiponjësë titullin e nënkampionit dhe të drejtën për ta përfaqësua Kosovën në garat evropiane të klubeve qe mbahet ne Pllovdiv të Bullgarisë. Këtë sukses e arritën duke iu falenderua angazhimit të gjithë lojtarëve e sidomos kapitenit te ekipit Mujë Feratit i cili diti ta udhëheq ekipin gjatë gjithë garave. Për këtë sukses më të merituarit janë: KM, Krasimir Rusev/Bullgari/, Faruk Hoxha, Mujë Ferati, MF Osman Koka, Safet Trepça, Xhevat Suhagërlla, Halit Rushiti, Behxhet Shala, Jeton Hyseni, Bali Haxha,Faton Hyseni,Shemsi Shala etj.Shumicën e takimeve, Shqiponja në në Super Ligen e Kosovës e luajti në filluam në këtë përbërje:Tabela: 1. Gm. Krasimir Rusev,2. Faruk Hoxha,3. Mujë Ferati ,4. Osman Koka,5. Safet Trepça,6. Xhevat Suhagërlla.

Rezultatet e arritura:

Xhiroja e I Shqiponja – Llamkosi 3,5 : 2,5

II Expik – Shqiponja 3 : 3

III Shqiponja – Istogu 4 : 2

IV Drejtësia – Shqiponja 2,5 : 3,5

V Shqiponja – Prishtina 2 : 4

VI Shqiponja – Theranda 4 : 2

VII Minatori – Shqiponja 2 : 4

Lojtarët më të suksesshëm janë: Tabela 1 : KM Krasimir Rusev me 5 pikë dhe tabela 5 Safet Trepça me 5 pikë.Tani Klubi Shqiponja është duke përgatitur per Kampionatin Evropian të Klubeve që mbahet prej 16 – 24 tetor ne Pllovdiv të Bullgarisë. Klubi është në bisedime me anëtarin e Prishtinës, Përparim Makolli, që ai ti mbrojë ngjyrat e Shqiponjës në këtë garë evropiane dhe denjësisht të përfaqësohet shahu kosovar.

Për të realizuar këto synime pritet përkrahja e Ministrisë së Sporteve të Kosovës dhe Departamentit të Sportit të Kosovës , sepse pjesëmarrja në Kampionatin Evropian kërkon mjetë të shumta dhe klubi këto nuk është në gjendje t’i përballojë.

Klubi i shahut Ekspik nga Prishtina në Kupen e Evropes ne Bullgari ?


Angzhimi dhe përkushtimi për lojën e shahut, bënë që Klubi i shahut Ekspik nga Prishtina në Kampionatin e sivjetëm ekipor të Kosovës të mbajtur në Prishtinë të fitojnë titullin e kampionit për edicionin garues 2010. Ky ekip i prirë nga Armend Budima, ia doli që nga 7 parti të zhvilluara, me 5 fitore dhe vetëm dy barazime, me 12 pikë të tubuara të nderohet me titullin e kampionit të Kosovës. Ky titull i siguron këtij ekipi së bashku me nën kampionin Shqiponjën e Stanovcit, të drejtën për pjesëmarrje në Kupën e Evropës 2010 që mbahet në Pllovdiv të Bullgarisë në gjysmën e tetorit të këtij viti. A do të marrin pjesë kosovarët në këtë garë evropiane, nuk varet nga ata, por nga Departamenti i Sportit të Kosovës, nga të cilët presin që tu sigurohen shpenzimet e qëndrimit dhe të rrugës. Tash disa vjet me radhë shahistët e Kosovës, janë dëshmuar me rezultate të mira dhe shpresohet se edhe këtë vit do të gjejnë përkrahje nga institucionet tona e Sportit të Kosovës, por ndoshta edhe nga ndonjë donator që të realizohet shkuarja e tyre në Bullgari.

Klubi i shahut “EXPIK” është formuar dhe funksionon që nga viti 2008 dhe në radhët e veta ka kryesisht ka lojtarë të ri ,mirëpo me përvoje të konsiderueshme në lojën e shahut. Mund të thuhet se meritën kryesore për bashkimin e lojtarëve siç janë: Armend Budima, Astrit Zymberi, Gani Hamiti, Mentor Bislimi, Daut Tahiri , Ajet Mahmuti, Burim Dushi të gjithë dikur lojtarë të klubeve nga Prishtina i bartë kryetari i klubit Burhan Misini i cili me iniciativën e vetë arriti ti ribashkoj të gjithë këta lojtarë cilësorë. Disa prej të cilëve jetojnë edhe jashtë shtetit si p.sh. Astrit Zymberi (Londër) dhe Daut Tahiri (Berlin) e po ashtu ta bëjë pjesë të ekipit edhe legjendën e shahut kosovar Ramadan Ajvazi i cili me përvojen e vete reflekton në sukseset e klubit të shahut “EXPIK”.

Klubi i shahut në vitin 2008 dhe 2009, ka funksionuar me emër tjetër e ai ka qenë “ RWE POWER KOSOVO” , kjo është bërë për arsye të sponsorit në atë kohë i cili na ka ndihmuar mjaft në zhvillimin e aktiviteteve të këtij klubi . Këtu vlen të përmendet fakti se për shkak të mungesës së donatorëve e veçanërisht për shkak të mungesës së LIGJIT për SPORT , shumë klube të shahut nuk kanë mbështetje financiare edhe i ndërojnë emrat dhe veprimtarinë e zhvillojnë me emër të donatorit siç është edhe rasti me kampionin aktual të Kosovës, Ekspik nga Prishtina .

Tani ky klub ka gjetur mbështetje nga firma e mirënjohur kosovare në fushën e Teknologjisë Informative e ajo është kompania “EXPIK” nën udhëheqjen e Rizah dhe Muharrem Deshishkut si dhe Bashkim Avdylit, tek të cilët kanë hasur në mirëkuptim dhe mbështetje financiare dhe besohet se ky bashkëpunimi do të vazhdoj edhe në të ardhmen.

Sukseset e klubit në këto tri vite të ekzistimit të saj janë:

Viti 2008 vendi i (IV)

Viti 2009 vendi ( III)

Viti 2010 vendi ( I )

Suksesi më i madh i klubit të shahut “EXPIK” është arritur këtë vit, duke fituar titullin e Kampionit të Kosovës . Ky sukses nuk u arritur brenda natës, por me punë të palodhshme të gjithë anëtarëve të klubit e për këtë arsye edhe rezultati nuk mungoj : 5-fitore dhe 2-barazime (pa humbje)

Rezultatet sipas xhirove:

1. Drejtesia – EXPIK rez. 0.5 – 5.5
2. EXPIK – SHQIPONJA rez. 3-3
3. THERANDA- EXPIK rez. 1-5
4. EXPIK – MINATORI rez. 3-3
5. LLAMKOSI – EXPIK rez. 2.5-3.5
6. PRISHTINA- EXPIK rez. 2-4
7. EXPIK – ISTOGU rez. 3.5-2.5

Shahistët më të suksesshëm ishin :

1. Aleksandar Delçev 7 lojë -6 pikë ( të tubuara)
2. Astrit Zymberi 6 lojë- 3 pikë
3. Ramadan Ajvazi 6 lojë- 4 pikë
4. Armend Budima 6 lojë- 5 pikë
5. Gani Hamiti 6 lojë- 4 pikë
6. Daut Tahiri 6 lojë- 3.5 pikë
7. Mentor Bislimi 4 lojë- 1.5 pikë
8. Burim Dushi 1 lojë- 0.5 pikë

Synimet e klubit Ekspik janë për arritje kulmore. Edhe më tej mbetet njëri ndër mëtuesit kryesor për titull të Kampionit të Kosovës, por edhe për një përfaqësim në Kupën Evropiane e cila këtë vit do të mbahet në Bullgari. Qëllim i këtyre djelmoshave është ta përfaqësojnë shahun kosovar në arenën ndërkombëtare në mënyrë sa më të denjë.